羅生門：芥川龍之介短篇小說選Ｉ（台語翻譯版）

　　Akutagawa Ryūnosuke, 1892-1927

　　本名新原龍之介，明治二十五年（1892）佇東京的京橋區出生，因阿母精神出問題，過予阿舅做囝，改姓做芥川龍之介。自細漢就興看冊，讀遍國內外的文學作品。高中到大學時，和同學像菊池寬、久米正雄做伙參詳互相鼓舞，積極參加文藝活動。二十四歲發表小說〈鼻仔〉，受著夏目漱石欣賞、牽成，正式行入文壇。

　　芥川的創作大部份是短篇小說，一世人寫欲四百篇遐濟。題材有古典文學、傳說、社會現象、古早時和現代生活，討論人生、社會、藝術、思想、文化各種問題。和志賀直哉同齊夆號做大正文學的代表，佮夏目漱石、森鷗外列做日本近代文學三大作家。

　　昭和二年（1927），芥川自盡，享年三十五歲。為紀念伊的成就，菊池寬佇《文藝春秋》設立「芥川獎」，是日本純文學界上重要的榮顯。伊的冊到今有四十幾國的翻譯版本，大導演黑澤明閣共改編拍做電影《羅生門》，轟動國際。芥川有真濟作品編入日本學校的課本，台灣現行的高中國文教材收錄〈竹藪中〉、〈蜘蛛之絲〉兩篇。

　　嘉義民雄人，中山大學中文系、台師大國文研究所出業。

　　捌任《重現台灣史》主編、《聯合文學》執行主編、教育廣播電台《拍破台語顛倒勇》主持人、公視台語台《HiHi導覽先生》創意發想和台語顧問。

　　台語作品有：詩集《我就欲來去》；小說《大士爺厚火氣》；散文《台語好日子》、《台語心花開》；繪本《仙化伯的烏金人生》等。

　　審定過的世界文學經典台譯有：《小王子》、《浪鳥集》、《傲慢佮偏見》等。

　　1964年生，嘉義縣中埔鄉人，輔仁大學語言學研究所碩士。1984年開始台語研究，參加幾若擺的國際性閩南語研討會並有論文發表，有十外篇台語文捌發表佇數種台語文雜誌頂面；1999年榮獲鄉土語文競賽閩南語教師組音字項第一名；2000年曾擔任閩南語競賽評判佮各地母語教師研習營講師。