我的低能旅行

　　歡迎參加馬仔低能旅行團。行程緊密，節目豐富，各地風土人情，民族特色，珍貴古跡……一律欠奉，但保證你食到嘔買到嘔同笑到嘔。馬仔幾年前戲劇性地由OL變為自由網主，去年則由網主蛻變為圖文書作者。最近身份再起劇變，由馬小姐轉變成小圓太太，以唔識煮飯、唔識慳家、唔識打掃為賣點，成新一代廢太代表，為現代女性立下典範。

作者簡介

馬仔

　　期期都買$5六合彩，為了就係希望有一日可以唔跛腳都唔駛做，到世界各地推介喪飲喪食文化。